الشارع السياسي
السيسي: يجب أن نحترم التنوع والتعدد والاختلاف
السبت 11/سبتمبر/2021 - 12:49 م
![صدى العرب](/upload/photo/news/60/1/600x338o/177.jpg?q=2)
طباعة
sada-elarab.com/601177
أكد الرئيس عبدالفتاح السيسي أنه لا يستطيع تغافل أعداد المواطنين في الريف «احنا بنتحرك وبنتعامل معاهم وبييجي الكلام ده في التلفزيون تقوم بنتي أو اختي تقول أنا عايشة في اوضة من غير سقف وعندي 4 أولاد».
وتسائل الرئيس السيسي خلال حفل اطلاق الاستراتيجية الوطنية لحقوق الإنسان، «طب يا ترى حقوق الإنسان هنا وحقوق الطفل ده ازاي الأب يقولك الولد يبيني ويمشي» مضيفًا: «يبقى احنا كمجتمع عندنا قضايا كثيرة جدا ومتجزرة وتحدي عميق قوي قوي ازاي نتجاوزه ومكنش عندنا سبيل غير ان احنا نعمل أساس عملاق من الثقة في القدرة قدرة الدولة المصرية انها تستطيع ان تتجاوز وتتحرك في معدلات غير مسبوقة بس ده مش منفصل عن بناء الحقوق الحقيقية».
وأضاف السيسي: «خلي بالك والكلام ده اتكلمنا فيه كتير...كفأة التشريع بس ..لا.. القائمين على تنفيذ القانون..بس ..لا..اللي هيتم تنفيذ القانون فيهم ..طب مانتوا بتطلعوا قانون للختان وهل اسرنا أو بعض أسرنا بطلت تعمل كده».
وتحدث السيسي على قانون تجريم زواج القاصرات :«طب احنا مطلعين قانون عشان موضوع زواج القاصرات البنت اللي عندها 12 او 13 او 15 او 17 او 20 قولوا ما شئتم ترموها في موضوع ونقول المجتمع يتكلم والاعلام يتكلم فيها ونطلع قانون ونقول يا جماعة لو سمحتوا البنت بتتجوز سنة واتنين وبعد كده معاها طفل ولا حاجة انتوا بتعملوا ايه في أولادكم التشريع نجح ..هياخد زمن عشان ينجح وهيبقى فيه مسائلة وهيبقى ده بيسمع في القرية او في المكان اللي فيه الموضوع».
وتابع: «في كل اللي تم طرحه النهاردة من زمايلنا وأصدقائنا واخواتنا الموجودين هنا وحتى في الاستراتيجية فيه كلام مهم قوي اتقال وانا عارف ان فيه ضيوف اجانب موجودين معانا»
وشدد السيسي على أهمية احترام التنوع والاختلاف «اتقال كلام مهم قوي ان احنا نحترم التنوع ونحترم التعدد نحترم الاختلاف واذا أراد أحد انه يتصور أنه عنده تمييز في قدراته الثقافية وعايز يفرضها على بقيت المجتمعات انا بقول ان هو انتبه انت يمكن ده مسار ديكتاتوري في انك عايز تفرض عليا مسارك الثقافي وبتعتبره هو التوب القمة..لا مين قالك كده هو قمة لك ولمجتمعك ولكن قد لا يكون قمة ليا ولا لمجتمعي ليه عايز تفرضه عليا».
وتسائل السيسي: «طب ليه انت مش عايزني اتطور التطور الطبيعي أو التقدم الحضاري او الانساني ليا اخد وقتي فيه»، مضيفًا: «احنا اذا كنت اخدت الكلام ده ونجحت في خلال 4 قرون انا لسه لان عمر الدولة المصرية من أيام محمد علي لحد النهاردة مكملتش 200 سنة تقريبا يعني».