الشارع السياسي
الرئيس السيسى: "أقل من 10 آلاف جنيه لأي حد بيشتغل ميعيش"
الثلاثاء 25/أكتوبر/2022 - 03:07 م
![صدى العرب](/upload/photo/news/66/1/600x338o/38.jpg?q=2)
طباعة
sada-elarab.com/661038
حذر الرئيس عبدالفتاح السيسي، من تحول الغضب بسبب سوء الأداء إلى كره للفقراء، قائلا: «اوعى تخلي غضبك من سوء الأداء يتحول لعداوة مع اللي بيقوموا بسوء الأداء، اوعى تكره الفقير».
وأضاف الرئيس السيسي في كلمته بالجلسة الختامية لـ«المؤتمر الاقتصادي – مصر 2022»، اليوم: «لما عملنا مساكن المناطق الخطرة قولنا للناس مش هناخد منكم فلوس، هناخد بس فلوس صيانة عشان نحافظ على اللي عملناه.. حد يصدق أني أتابع الناس بتدفع ولا مبتدفعش الـ300 جنيه، وزميلي اللي موجود في المحافظة أو المحليات مش واخد باله».
وتابع: «المفروض أنا ساعتها أكفر بالفكرة ومعملش كده تاني، لأ.. أنا لازم أعرف هو ليه كده، ومكرهش سلوكيات الفقر، وأكره الفقر نفسه، واستهدف الفقر نفسه ونغيره مع بعض، لأن المرتبات تعبانة».
وواصل الرئيس حديثه: «والله أنا بكلمكم من قلبي هنا، أقل من 10 آلاف جنيه لأي حد بيشتغل ميعيش، هتقولي طب ما تديهم أقولك ياريت، هتقولي طب ما أنت بتتكلم على أنك بتعمل ميناء بـ40 مليار، أقولك بقى إني لازم أكون متوازن في إدارة الأمر».