الشارع السياسي

الرئيس السيسي: للمرة التالتة نأجل زيادة أسعار الكهرباء علشان ما نحملش على الناس

الإثنين 13/يونيو/2022 - 11:33 ص

sada-elarab.com/643041

أكد الرئيس عبدالفتاح السيسي، أن الأسعار فى مصر تقل عن مثيلتها في بعض الدول الغربية، معقبا: "عاوز أقول للمصريين خالوا بالكم المفروض الأسعار في مصر تبقا أكتر من كده بكتير ، وأنا والله مش بقول كده بجامل الحكومة والنهاردة ، الدول الغربية من ضمن معايير التضخم لا يزيد عن 2 % وهذه ثوابت عنده سنين كتيرة بكل المتغيرات الدولية ، وهناك بعض الدول سجلت 5 و9 و %11 بتتكلم عن دول غنية ومستقرة وتسعير وحوكمة وسلاسل توريد ومعندهاش النمو السكاني وفيه دول بقالها 40 سنة عدد سكانها مزدش، حصل عندهم تضخم نتيجة الحرب تضخم وزيادة في الأسعار".

وأضاف الرئيس السيسي خلال افتتاح مشروعات لإنتاج الثروة الحيوانية والألبان: "لو كان تكلفة الطاقة في مصر اتعاملنا بيه طبقا للأسعار العالمية كان حصل قفزة كبيرة جدا في التكلفة ، بمعنى ان اللى بينقل منتجاته داخل مصر ما زال بيدفع تكلفة وقود 50 % واقل من 50 %لتر البنزين بـ 2 دولار يعنى 40 جنيه".

وتابع الرئيس: "بقول ده للمصريين علشان يعرفوا ان الواقع اللى عندنا ده اقصى حاجة ممكن نعملها لضبط والسيطرة على الأسعار، طبقا للى حصل في العالم النهاردة بتكلم عن برميل البترول 120 دولار طيب لو بقا 150 دولار؟

وقال الرئيس السيسي: "حريصين على ان نجعل أسعار الوقود والطاقة.. الكهرباء مش خدتوا قرار متزودوهاش، اتكلمت مع الدكتور مصطفى دى 3 مرة نأجل البرنامج علشان منحملش على الناس ، بتكلم على 17 مليون مشترك بتدفع اقل من 50 % من الطاقة، مش بقول كده ان الدولة بتمن على شعبها لكن بنحاول نخلى فاتورة الأعباء على الناس ما امكن مناسبة.. برنامج الكهرباء لتالت مرة ناجلوا مع ان تكلفة انتاج الكهرباء زادت والغاز اللى بيستخدم في الكهرباء زاد، الهدف من النقاش ان كان الأول 5 دولار للوحدة دلوقتى بنتكلم في 21 دولار، وكانت اقل من تكلفتها بتباع للناس طيب لما بقت 214 دولار تساوى كام؟.

وأكمل الرئيس: "بسجلوا للدولة ان ده اقصى حاجة نعملها علشان الاسعار متقفزش والحفاظ على محدودي الدخل.. بره الطاقة زادت الحاجة تزيد وتسمع في كل المنتجات ووسائل النقل، احنا هنا معملناش ده ولو مكنش ربنا وفقنا خلال السنين اللى فاتت في 10 مليار البتلو صدقوني كان تمن الحاجات زاد عن كده ".