رئيس الاتحاد العربي للتعليم والبحث العلمي يوجه نداء: انتبهوا يا مصريين

لما تلاقي الهجوم علي ‎#مصر والمصريين  والسيسي بيزيد ، مع أن الحرب في غزه، واللي أشعل الحرب إيران ومليشياتها من جهه، وامريكا وإسرائيل وحلفائها من جهه تانيه.

لما تلاقي العالم كله ب بني آدمينه وخرفانه وعملائه سايبين المجازر  والقتل اللي بتمارسه إسرائيل في حق أطفال ونساء وشيوخ الشعب الفلسطيني، والخراب في اليمن، والقصف علي سوريه ولبنان ، والحرب الروسيه الاوكرانيه ،
 ومركزيين مع ‎السيسي وهبرة ‎السيسي.

لما تلاقي مافيش اي تغطيه للشأن الاسرائيلي والفلسطيني الداخلي في الضفه والقطاع، ومركزيين مع شأنك انت الداخلي ومشاريعك وصفقاتك وأسعار الدولار ف ‎#مصر وأسعار المواد والسلع والخضار  .

لما تلاقي بلدك متبرعه ب 80% من المساعدات ل غزه، مع إن وضعك الاقتصادي وظروفك الحياتية علي قدها ،
و مع ان كمان  في دول، ودول عظمي وغنيه ونفطيه، مساعداتها ماحصلتش حتي ال 1%، ومع ذلك الهجوم عليك وعلي بلدك مستمر.

لما تلاقي نداءات للمسلمين لمساندة غزه وأهلها والتحرك والحراك لنصرة غزه ، ومع ان المسلمين عددهم مليار ونص،
 لكنهم مركزين بس مع شعب ‎مصر ال 100 مليون وناسيين باقي المليار ونص .

لما تلاقي جيشك الوطني امبارح كانوا بيقولوا عليه جيش صهيوني وطواغيط وحامي حدود إسرائيل ومشارك فالحصار علي غزه وجيش الكفته والجمبري وسلاح الخيار والطماطم وجيش فوزيه، ومن ناحيه تانيه بيطلبوا منه التدخل في حرب مع الغرب علشان غزه، ومع إن في جيوش عربيه واسلاميه كبيره وضخمه ونوويه وماطلبوش منه او حتي لمحوا لها بالتدخل .

لما تلاقي وتشوف كل التناقضات دي،، لازم تعرف وتتأكد بإن عدوهم ، مش الصهاينه ولا إسرائيل ولا حتي أمريكا ، انت عدوهم وجيشك وشعبك عدوهم  الاول، ولازم تتأكد كمان إنك كبير وبلدك كبيره لدرجه ان العالم كله بكلابه وخرفانه مركز معاك إنت وعلشان إنت الكبير ف مطلوب إستهدافك وعرقلتك ولازم تكون صاحي وواعي وفاهم لكل اللي بيجري حواليك وماتنجرش ورا شائعات ولا لمحاولات إشغالك عن حلمك وطريقك .

إحنا اللي بنشغل العالم ، ولا حد أبدأ" هايقدر او هايعرف يشغلنا او يعرقلنا .   

" اللهم رد كيدهم في نحورهم (منقول) حلمي ذكي ايها السادة تماسككم وحبكم سر قوتكم حفظ الله مصر ورئيسها وجيشها وشرطتها وشعبها من كل شر وسوء.