خناقة شوارع" بين حسن شاكوش ورضا البحراوي في الساحل الشمالي

نشر الناقد الفنى هاني عزب تفاصيل الإشكال الذي وقع بين الفنانين حسن شاكوش ورضا البحراوي في الساحل الشمالي، واصفا إياه بـ"حرب شوارع".


وقال عزب في منشور على صفحته الرسمية عبر موقع "فيسبوك" أرفقه بفيديو انفرد به:

"انفراد كواليس خناقة وحرب الشوارع بين حسن شاكوش ورضا البحراوي.. البداية كانت مع شاكوش اللي لما طلع على المسرح كانت فرقة رضا موجودة على المسرح.. شاكوش قرر إنه مش هيكمل فقرته إلا لما فرقة البحراوي تنزل من على المسرح، لإن كده كده بيغني "بلاي باك" وبالفعل طلبه اتنفذ وسط استياء من أعضاء الفرقة".

وأضاف: "قبل ما حسن شاكوش ينزل ويخلص فقرته قررت فرقة رضا البحراوي تطلع على المسرح مرة تانية وده خلى فيه غضب كبير عند شاكوش اللي وهو نازل من على المسرح وجه ليهم إشارات خارجة وبذيئة ومن هنا كان الرد بينه وبين فرقة رضا البحراوي وتبادلوا توجيه السباب.. وحاول هنا (الفنان) حمو بيكا التدخل في الموضوع وإنهاء الأمر قبل أن تحدث كارثة حقيقة وخناقة شوارع في الساحل الشمالي".

وتابع: "وصل رضا البحراوي الحفلة وعرف اللي حصل وأول حاجة عملها وجه التحية لفرقته الموسيقية وبدأ يغني وبعدها وقف الغنا وفضل ينادي على شاكوش، وقال: شاكوش فين.. مشي.. كنت عايزه والله.. بس للأسف خد بعضه وجري..عايزه يدعي لحمو بيكا".