فن وثقافة
حملة الخير مع "أحلي صباح".. ابدأ يومك بخير يسعد نفسك ويساعد غيرك
الإثنين 07/ديسمبر/2020 - 02:16 م
طباعة
sada-elarab.com/555772
أحلي صباح لما ترسم ضحكة، لما تشوف ابتسامة، لما تسمع كلمة حلوة، أحلي صباح لما تصنع خير ولما تساعد الغير، أحلي صباح لما تشكر ربك، علي نعمه الكتير، أحلي صباح لما خيرك يسعد نفسك ويساعد غيرك.
"مصر الخير" هتساعدك في كل يوم توصل بخيرك لغيرك، انك ترسم ضحكة علي وجوه المستحقين، انك تساعد الغارمين، وإن صدقتك توصل ليد المحتاجين الحقيقيين، انك تساهم في مشروعات كتير في صحة وتعليم وبحث علمي وتكافل ومناحي الحياة.
"مصر الخير" هتبدأ حكاية جديدة، تعلمنا ازاي أن الخير مش بس في المواسم والأعياد، وأننا لازم نشكر ربنا علي نعمه الكتير، بمساعدة غيرنا كل يوم، ويكون ده جزء من روتينا اليومي، مش علشان في كتير محتاجين للصدقة دي لاننا احنا كمان محتاجين للصدقة دي و ثوابها يمكن اكتر من اللي هتوصلهم.
العطاء هبة ربانية كبيرة، رزقنا بيها المولي علشان نسعد نفسنا ونساعد غيرنا، المهم أنك تبدأ وتستمر في إسعاد نفسك ومساعدة غيرك بالخير اليومي.
"مصر الخير" عملت وسائل كتير علشان خيرك ميوقفش، مهما كان بسيط، وفي ثواني يوصل ومن غير اي مجهود، ممكن أنك تشارك برسالة ثمنها خمسة جنيه ممكن تدفعها مهما كان عملك أو عمرك، من مرتبك أو تجارتك أو حتي من مصروفك، المهم أنك تبدأ مشوارك في الخير، وانت الصبح بتفطر أو بتشرب فنجان قهوة، او وانت رايح شغلك أو جامعتك او مدرستك، المهم انك تعمل خير تلاقيه في صحتك وصحة اولادك وتلاقيه بركة في حياتك كلها وكمان في اخرتك، رسالة في ثواني من تليفونك، ممكن تسعد بيها أسرة وتساعد بيها محتاج او تشارك بيها في مشروع وفي قصة نجاح لينا ولبلدنا.
تبرعك هيوصل لينا بلمسة في تليفونك برسالة علي رقم 9597 مقابل 5 جنيهات ، أو أي مبلغ عبر موقع مصر الخير الالكتروني أو من خلال تطبيقات الدفع الالكتروني.
يلا ابدأ و مترددش كتير وخلي خيرك يوصل لغيرك كل يوم، "مصر الخير" من الناس وللناس، هنساعد ونعمر، ومش هنوقف غير أما نوصل لكل محتاج علي ارضنا الطيبة .
