الدكتورة الراقصة معلنة ترشحها لرئاسة الجمهورية: "هدلع الشعب"

أعلنت الدكتورة منى برنس، أستاذة الأدب الإنجليزي بجامعة السويس، الشهيرة بـ"الدكتورة الراقصة"، ترشحها لانتخابات رئاسة الجمهورية 2018، من خلال تدشين حملة بعنوان "منى برنس: رئيسة مصر 2018".

ونشرت "برنس" على صفحتها بموقع التواصل الاجتماعي "فيس بوك"، بعض ملامح برنامجها الانتخابي، قائلة: "بالعلم والفن والحرية هترجع شمسك الذهب تاني يا مصر.. ويرجعوا المصريين شعب منتج ومساهم في الحضارة الإنسانية".

وأضافت: "عشان أكون أمينة.. ما اقدرش اوعد اني هحل مشاكل مصر والمصريين في سنة ولا اتنين ولا عشرة.. التغيير الحقيقي بياخد وقت، بس أوعد اني هجتهد واشتغل مع الشباب الكفء اننا نحط الاساسات السليمة لبناء الدولة المصرية الحديثة و اعادة الهوية المصرية للمصريين في الاربع سنين.. وأكيد مش هطالب بمدة تانية، من مبدأ تداول السلطة ولاني هبقي عايزة اعمل حاجات تانية في حياتي غير العمل العام اللي هيلغي تقريبا حياتي الخاصة.. ولأني شخص مرح بطبعي وبحب الحياة.. فهبقي ريسة دمي خفيف وهدلع الشعب من باب.. لاقيني ولا تغديني.. أنا واضحة".