منوعات
"ماتش الأهلي"
الإثنين 13/مايو/2019 - 12:52 ص
طباعة
sada-elarab.com/146664
ريحة المعسل م القهاوي الصبح
ريحة زمان والسرمحه والليل
ضحكة سمانا بعد ماتش الاهلى
أو مونديال فرفتلنا المناديل
يا ضحكة يلي سيبتهاله هناك
اول معاد والطيبة المشوار
أسرار كتير خبيتها عنك ليه
كات احلي حاجة ف حبنا الأسرار
كنا صغار مستنين نكبر
وياريتنا موتنا لما كنا صغار
فاكر هروبنا م المدرج فاكر
غمزة عيونا وحضن ملو الايد
فاكر وريدنا لما دخلة ربيع
وطريق وجع من نصه حودنا
فاكر وجودنا ف حضن كل رصيف
أو صوت اغاني تطل ف وجودنا
الوقتي ليه اتفرقنا يا حبيبي
ولا عدت بعرف (فين طريقك فين)
ولا عامل ايه بتحب مين دلوقت
وزرعت مين جواك ف نن العين
عندك عيال بتحبهم جدا
طب حد فيهم بتناديه مروة ؟
من يوم غيابك بردي غرقني
والصيف ف عز الصيف لبس فروة
